Jeds Moi wieda                                       

 

        

Wann die letztn Äpfl                                     

braun zsammgfault und schimmlig               

in da niedatretnen Wiesn liegn                       

 

Wann schwa zan sagn is                                    

obs da Nebl, de Woikn oder da Rach                       

aus wieda ghoazte Öfn san                            

die in da Luft liegn                                         

und die Wöt vü kleaner mochn                                 

 

Wanns fruah am Tag scho                         

so finsta, feicht und koit is                

dass di neama gfreit aussi zgehn                   

obwois da guat tat

 

Wann die Blattln gar werdn

die spatn Grashalm miad san

und du a

 

Wann koa Bleaml mehr bliat

und die Sunn so tiaf steht

dass di nur blendt bein Autofahrn

 

Wanns neama wichtig is

wasd jetzt no niedareißt

und zspat fia des

wasd neama gschafft hast

 

Dann fragst di

jeds Moi wieda

wo des Jahr hin is